deboto ng MRT

Simula ng lumipat ako dito sa Maynila, naging bahagi na ng buhay ko ang usok, ingay, dumi, at init ng lugar. Araw-araw yan sa ginawa ni Batman, walang panahon na hindi ako nakalanghap ng usok mula sa sasakyan. Naging bahagi na rin ng buhay ko ang mga jeepneys, buses, at higit sa lahat ang MRT.

MRT na yata ang pinakapinipilahang istasyon ng ng mga pampublikong sasakyan dito sa ating bansa, lalong-lalo na dito sa Kamaynilaan. Mula alas-singko ng umaga hanggang alas-dyes ng gabi abalang abala ang MRT sa paghahatid ng mga parokyano nitong halos isang oras pumipila para lang makasakay, (kapag rush hour).

Ako bilang isang parokyano ng MRT, masasabing kong mas mabilis at mas mura ang pamasahe kung sasakay ako dito, pero ano bang meron bakit marami ang mainit lagi ang ulo na mga parokyano sa paggamit nito?

Tuwing umaga mistulang pila ng relief goods sa isang lugar na sinalanta ng unos, ang pagkakaiba nga lang, mga nakalongsleeves at magagandang damit ang makikita mo dito,  ang matutunghayan mo sa North Avenue station ng MRT sa haba at laki ng pila, pati kabilang kalsada at footbridge ay puno ng mga parokyanong mahigit isang oras ng nakapila para lang makasakay dito. Grabe noh? isang oras, napakaraming bagay na ang pwedeng magawa natin dun, yung iba, nakabenta na sana ng kanilang produkto, yung iba nakagawa na siguro ng mga financial report, o yung iba hindi hindi malalate sa trabaho. Oo nga mabilis, pero mantakin mo naman yung ilang oras ka pipila para makasakay lang...

Isa pang pagsubok bago makasakay sa tren ay ang makipaggitgitan (literal). May kaibigan ako, medyo hindi siya katangkaran, grabe, kawawa naman laging natatabunan ng naglalakihag tao. Sabi pa nga ng ibang pasahero, "kahit hindi na tayo humawak nito sa hand rails, hindi naman tayo matutumba". Oo, tama nga, hindi ka talaga matutumba dahil talo pa ang mga sardinas sa loob lata dahilcsa sobrang siksikan, kung hindi ka makikipagpalakasan kawawa ka.

Pero bakit nga ba hanggang ngayon ganito pa rin ang serbisyo ng MRT? Nakasakay na ako sa dalawang ibang electronic train dito sa Maynila, ang LRT 1 (Roosevelt to Baclaran) at LRT 2 (Recto to Santolan). Mahaba ang kanilang mga tren, mula sa dulo ng deck hanggang sa kabila abot ang tren kaya mas marami ang nasasakay nito. Kung ikukumpara natin sa MRT na maiksi ang mga tren. Mas malawak din ang loob ng mga tren ng LRT 1 at 2 at mas mataas ang ceiling compared sa mga tren ng MRT.

Mas mas mabilis magload at unload ng mga pasahero ang dalawang LRT, wala lang akong kumpletong statistics kung mas marami ang ang tren ng dalawang LRT. Napansin ko kasi, may luma at may mga bagong tren ang LRT ibig sabihin lang nag-a-upgrade sila. Ang LRT 2 naman halos lahat bago at malalawak ang loob ng kanilang mga tren compared sa MRT. Yung isang tren nga sa MRT muntik nang mahulog yung kisame sa may pinto dahil maluwang na ito at natatanggal na (scared much ako noon).

Alam naman natin na gumagawa ng paraan ng pamunuan ng MRT para mas mapaganda ang serbisyo nila sa mga parokyano nito. Pero sana naman maramdaman namin ang ganda at bilis ng serbisyo upang sa gayon mas maappreciate namin ang ganda nito at hindi masayang ang oras namin sa pagpila.

PS:

Just a strange idea out of the blue, what if yung ibang tren kaya eh pagdugtungin na lang para at least mas marami ang maisakay nito para at para rin mas mabilis ang departure ng isang tren sa bawat station upang sa gayon maiiwasan ang pagkakaroon ng traffic sa MRT. May point ba? Kasi noong huling sakay ko, may traffic daw sa mga tren.. Nagulat ako? What?! traffic?

Kailangan ba dadating yung sinasabing karagdagang mga tren? :)